فنجان قهوة رواق ..شاركوني عند الغروب

من طرف violaflower الإثنين سبتمبر 14, 2009 7:56 pm

فنجان قهوة رواق
شاركوني فيه مع الغروب
.. و بعد تعب و صيام

الف نهار ..عيسى ايوب
من بعد الف نهار

من بعد ماتعب وهرا عصايتو المشوار ...
من بعد ماملت الغربي من الغريب ...
ومل من هالمركب الاعصار ...
ورجعت...
دقيت .. دقيت.. باب الدار
هالدار اللي مخبا صبية عمرها مابذكرو شو صار ...
بتزكرا حلوي وبعلمي ... مابتدبل زهرة الجنار ..
هالباب اللي بعرفو بشعلة صبا..
والدالية اللي كانت بالمحل تعصر ثمان جرار..
بالكاد في خصلة عتب متمرجحا باربع خمس حبات ... هيك صغار ..
فتحتلو .. ووجا اندار
قولكن هيدا عتب يما متل مابتزعل المينا اذا ما تأخر البحار ..
وقعدت حتى زكرا .. يوم اللي كنا بالطعش اقل او اكتر بكم نهار ..
وشاع الخبر وكتر الحكي .. وبلشو علينا يلمو خبار ..
وكتر الحكي .. وصار الدرب .. صار العشب .. حتى الحجر .. ثرثار ...
وكل الحكاية سلمت عليها الصبح واتفركشت وخدها على خدي صار ..... شو صار ؟؟!!
وقعدت حدا زكرها بظني لعلو بينفع التزكار ..
قالت لهون وبس . بحياة بيك هس ..
ومن بعد يلي صار ومن بعد ما مر الزمان ودار ...
قلت يمكن بعد في بالموقدة شي نار ...
واغمرت شعرا .. ورحت بدي جدلو ..
ابتسمت وقالت لي ياحلو..
لم ايدك عيب صرنا كبار .... صرنا كبار .......