كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

من طرف violaflower السبت يوليو 25, 2009 11:40 am

حبيت شارككن شي من الشعر العامي اللي بحبو كتير و احلى كلمات لطلال حيدر

و نبلش ب "فخار"

نيال فخارا لهالجره
فرحان عندو عيد
بيشرب ع طول نبيد
سكران عمرو ما صحي مرّا
ومدري خدودو ليش محمرّا
تخمين بوّس شي مرا سمرا
تمّا غفي عا تمّ هالجره

من طرف violaflower السبت يوليو 25, 2009 11:46 am

صوتك مرق عالمسافة وسلّم عليها
ما صدّقت إنو مرق تا شافت الحِنّة عا إيديها
قال الصوت خليكي ما دام جايي هوى
رح ضلّ ناديكي .. يا ريت نبقى سوى
تركض غزالة حافية بضوّ القمر حتى تمسّيكي
بس تحلم منامات كشّفها الهوى .. نومِك يغطيكي
وصل الخبر عا مصر .. وقفو ملوك النيل يتأهّلو فيكي
صوتك مرق يا طير قلّو يسلّم عليي
ما صدّقت إنّو مرق تا نشفت الدمعة بعينيّي
كنت تقلي غنّيلي .. غنّيت ما في حدا
وينك طِلّ مقابيلي .. صوتك صاير صدى و كتير حبيتها بصوت غادة غانم

من طرف violaflower السبت يوليو 25, 2009 12:33 pm

مي

كتبوا تاريخ المي

على ذاكرة الينابيع

كيف بدا المي تضيع؟

في نجمة بقيت لحالا

ما عرفت ترجع

لو ما تطلع مقبالا

بالمي و تلمع

من طرف منى السبت يوليو 25, 2009 3:38 pm

اختيار رائع للكلمتات يلي هي بحد ذاتها موسيقى داخلية

من طرف violaflower الثلاثاء يوليو 28, 2009 2:33 pm

خدني معك يا حب، شي مشوار
وع السكت وشوشني، سرار سرار
محّي لأيامي بايديك الزغار
مدري شو صابو، هالعمر
فتّح وصار قمار
يا ريت هالعمر الهرب
يرجع ونحنا زغار
لا بعود اقرا بها الكتب
ولا بعود عمّر دار
بقشّقش حوالييّ حطب
وبشعّل بها النار

من طرف محمد الحلبي السبت أغسطس 01, 2009 7:08 pm

زهرة البنفسج...
أشكرك جداً على اختيارك هذا...
من لا يذكر (يا رايح.. وحدن بيبقوا... )
والقصائد التي غناها مرسيل خليفة (بيني وبينك - بغيبتك نزل الشتي - ركوة عرب)
والقصيدة التي غنتها لطيفة التونسية تحت كنف زياد الرحباني والتي وردت بين القصائد التي رفعت (دورت أيام الشتي)
وهنالك ما لا أذكره..
ولكنني من أشد المعجبين بشعر طلال حيدر
وبكلماته التي ببساطتها وتركيبتها ومحليتها وعربيتها تقع على المسمع كما لو أنها كلمات قدسية...
قد سمعت له قبلاً قصيدة وأذكر منها جملة (باعوا أدان العصر تايشتروا بستان)...
ولم أجدها على النت... أرجو ممن عرفها أو وجدها أن يرفعها لنا...
أعود وأشكرك زهرة البنفسج

من طرف violaflower الأحد أغسطس 02, 2009 6:08 pm

أهلا أهلا يا محمد

كلمات طلال حيدر بتحسسني بنسمة صيف رقيقة و جبل و شوية مطر

الها سحر ما خاص فيها

بترجع ذكريات قديمة حلوة

تأثيرها غريب

و هالقصيدة ما سامعتها ابدا او قاريتها

كتبت اسمي فيولا عم يطلع حلو لما بتكتبو انت و اليسار زهرة البنفسج Very Happy

هيي على هامش الموضوع

من طرف violaflower الأحد أغسطس 02, 2009 6:09 pm

منى غاليتي شكرا لمشاركتي و فعلا هالكلمات بتحمل موسيقى خاصة متل ما بتذكر بليالي الصيف و نسماتها بتذكر بالدفاية و قصص الشتوية ..هي اتحللت معي الموسيقى الداخلية

كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي

رد: كنت تقلي غنيلي غنيت ما في حدا وينك طل مقابيلي صوتك صاير صدى ا ..احلى شعر بالعامي