قاطع

عرزال شكرا لهذه المعلومات القيمة
شعرت بالفخر وانا اقرا البعض منها مو كل الناس فهمانين الخقائق بالمقلوب

الأقوال الواردة مو متناقلة وإنما مترجمة, وبنظرة عالأعمال الفنية اللي قدموها بتبين درجة السطحية وخضوصاً بالصورة الأولى

معك حق, يعني ياللي رح تكون مفخرة أعمالو Matrex و Mission Impossible و Unfaithful وغيرن
مو متل Brave heart و Godfather و Silence of the lamps وغيرن

يا جماعة شو بدنا نقاطع تنقاطع, ليش عندنا شي نعملو غير نحكي وبس نقول نقاطع,
طيب أنا رح إجي متل ما بتريدو,
واحد منكم يا شباب يفيق الصبح ويقرر المقاطعة(يعني بينو وبين حالو),
يعني بطلنا نشرب بيبسي(pay every penny to save israel) وكمان تشرب حليب نسلة ممنوع, وكمان جبنة دانمركية, أو حليب طازج من بقرة هولندية أو دنمركية.
وكمان نحضر أفلام أمريكية
وكمان نشغل الكومبيوتر(لمعلوماتكم بإتفاقية أغلب برامج الكمبيوتر ممنوع بيع هذا المنتج للدول الداعمة للإرهاب متل نحنا وإيران ,كوبا .....)
وكمان عن طريق ياهو نبحث( شركة ياهوو تمنع استخدام كلمة ALLAH ضمن عناوين البريد الإلكتروني, جربوها)
وكمان ستار بوكس
بانتين و كاريير, شيبسي,نيسكويك
ابحثو يا جماعة في غوغل عن كلمة مقاطعة البضائع الأمريكية والإسرائيلية ماذا تجدوووون؟
تجدون "فلنضرب اقتصادهم" "فلنريهم من نحن" "لنهزمهم ..." الخ.
يا جماعة لا نستطيع مقاطعتهم اقتصاديا... وهي الحقيقة
والحل مو بالأقوال يلي منسمعا كل يوم ومنشوفا بالإنترنت, الحل بالفعل وبس. يعني نبني أنفسنا أولا ثم نقاطع. وكلمة بناء تعني بناء أنفسنا نفسيا وعلميا ونتسلح بالصبر.

نقاطعن؟

والذي ما يصدق كلامي بيبحث عن الغنية يلي بتمثل مقاطعتنا لهم وهي كليب الحلم العربي ويحاول ينسخو, للأسف ما رح تلاقوه لأنو محذو ف من كل المواقع العربية, بعد أيام معدودة من صدور الكليب

ولأحكي لكم قصة حصلت معي ولو خرجت قليلا عن الموضوع, في أيام حرب تموز كنت أتابع الأخبار على الديجيتال في بلاد الغربة, وكان هناك مناظر مأسفة للغاية تصور الوحشية والهمجية لآلة الحرب الصهيونية, وكان أحد الأصدقاء الحميمين من غير العرب يتابع معي هذه الأحداث الرهيبة, وكان ينظر أيضا بعيون حاقدة على هؤلاء الصهاينة صدقوني, وكانت أغنية الحلم العربي تتردد دائما في بعض المحطات الفضائية, فأبدى الصديق إعجابه بهذه الأغنية وطلبها مني, ليريها لأصدقائه, وقلت له من دواعي سروري سأنسخها من أحد المواقع, بحثت بحثت .... ولم أجدها
وكان موقفا محرجا بالنسبة لي.
يعني أريد أن أقول:
لماذا عندما يذاع عن كليبات جديدة لأحد الفنانين كل العالم العربي بيعرف؟
وبكل سرور ابحث عنه وانسخو من الإنترنت(على مبدأ شوف وحمل),
لماذا عندما تظهر فضيحة أحد الفنانات يا لطيف ( المجلات, الراديو, التلفاز, المواقع الإخبارية) بتعرض وبتصور
وليش لما بينقتل طفل وبتنباد أسرى بيطنشو بعض العالم وبينحذفو الكليبات الوطنية؟

يعني الأمور مو بهالبساطة يا إصدقائي, عدونا لدود يا شباب, فلنبني الوطن بسواعدنا وعقولنا والله خير معين لنا, وإنشاءالله بهمتنا وقوتنا نحن الشباب سوف نحرر قدسنا وأرضنا.

وشكرا.