wahdon
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البتاع

اذهب الى الأسفل

البتاع Empty البتاع

مُساهمة من طرف محمد الحلبي الأربعاء سبتمبر 30, 2009 10:18 pm


.ياللى فتحت البتاع
فتحك على مقفول
لأن أصل البتاع
واصل على موصول
فأى شيئ فى البتاع
الناس تشوف على طول
و الناس تموت فى البتاع
فيبقى مين مسئول ؟
.
و إزاى حتفتح بتاع
فى وسط ناس بتقول
بأن هذا البتاع
جاب الخراب بالطول
لأن حتة بتاع
جاهل غبى مخبول
أمر بفتح البتاع
لأنه كان مسطول
.
و بعد فتح البتاع
جابوا الهوا المنقول
نكش عشوش البتاع
و هد كل أصول
و فات فى غيط البتاع
قام سمم المحصول
و خلى لون البتاع
أصفر حزين مهزول
.
فساد قانون البتاع
و لا عله ولا معلول
فالقاضى تبع البتاع
فالحق عـ المقتول
و الجهل زاد فى البتاع
ولا مقرى ولا منقول
و الخوف سرح فى البتاع
خلا الديابه تصول
.
يبقى البتاع فى البتاع
و الناس صايبها ذهول
و إن حد قال ده البتاع
يقولوله مش معقول
و ناس تعيش بالبتاع
و ناس تموت بالفول
و ناس تنام عـ البتاع
و ناس تنام كشكول
.
أدى اللى جابه البتاع
جاب الخراب مشمول
لأن حتة بتاع
مخلب لراس الغول
باع البتاع بالبتاع
و عشان يعيش على طول
عين حرس بالبتاع
و برضه مات مقتول

.
أحمد فؤاد نجم
سجن الإستئناف 1981
محمد الحلبي
محمد الحلبي
- عضو متميز
- عضو متميز

ذكر
عدد الرسائل : 156
العمر : 37
تاريخ التسجيل : 27/10/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى