وين العرب بالموسيقى........؟؟؟؟

من طرف محمد الحلبي الأربعاء نوفمبر 12, 2008 8:33 pm

أرجو أن لا أهاجم على هالموضوع... بس هو فعلاً بحيرني... وبزعلني
عمحس إنو ما في عندنا مشروع موسيقي بسورية...
هلق أنا لما بقعد بسمع الموسيقى التركية... بتبهرني بتقنيتا ...بمدرستا... بروحها بتآلفا...
طيب شيلونا من الموسيقى التركية.....
ليش ما عمنشوف مشاريع كبيرة متل القصبجي ، السنباطي صباح فخري... مارسيل ... زياد.... فيروز....
ما في حدا .... هيك يعبي راسنا ....
كل التجارب اللي عملاحظها عمتكون عبارة عن آلتين - ثلاثة شغل جاز شرقي ....
.... المشكلة إنو التجارب موجودة ..... وأنا شايفا ..... بس أنا واحد من 28 مليون.....
عن جد يا جماعة وين نحنا؟؟؟؟؟؟؟؟
وبكل أسى.....
مع إني شبه واثق من إنو الردود رح تكون قليلة.... بس معلش خليني احكي....

من طرف violaflower الجمعة نوفمبر 14, 2008 12:34 am

هلأ هو فعلا معك حق كتير بهالشغلة و حرام مايكون فيه هيك شي لانو اكيد عنا مواهب
بس يا ترى هو ما في.؟ولا هو في و نحنا ما عم نشوفو؟
و اذا مافي؟ كيف ممكن يبلش الحل برأيك؟
يعني كيف ممكن نبلش يكون فيه مشروع موسيقى؟كأني بتتذكر انك قلت انك حابب يكون عندك هيك مشروع؟
يا ترى شو هنن الخطوات؟ و ممكن يكون انطلاقة لمشاريع تانية؟

سألتك هالأسئلة لانو فعلا المشروع مهم و لانو فعلا انا ما عندي اجابة كافية عنهن ولا اطلاع كافي
بتمنى نككمل بالهالموضوع و شكرا لالك كتيييييييير على طرحو

من طرف محمد الحلبي السبت نوفمبر 22, 2008 9:51 pm

أشكرك violaflower عالاهتمام بالموضوع
بس القصة شوي معقدة
بتتعلق بشركات الإنتاج أولاً
يعني نحن معنيين بما يريدو صاحب المال
وأصلاً الإيمان بالموسيقى الشرقية... غير موجود عندنا
بعدين عندنا ثقافة النسخ كثير عاملة عدم توازن
طبعاً مو مشكلة .... تنباع بسعر النسخ... بس بحيث إنو يعود الثمن لصاحب الألبوم
ومو معقول يضل ينباع الألبوم ب200 ليرة متل ما بتبيعو شركة مجال!!!!
لإنو أنا شخصياً واحد من اللي ما رح يشتروا الألبوم ... بدي أنسخو...
ومع ذلك ما كتير بحب نوعية الموسيقى اللي بتنتجها (مجال)
... وفي نقطة لازم نفهمها وهي إنو الموسيقي عندنا غير محترم... عمأحكي جد
أولاً الموسيقيين غالباً ... الفكرة عنن إنو أصحاب ليالي حمراء.. ولاعندن لا شغلة ولا عملة...
وفعلاً ... أنا هلق لا يمكن أتفرغ للتمرين.... لإنو بدي آكل (عذراً عالتعبير) والأمثلة اللي حولي كتيرة من هالشكل
حكيت كتير
بس النتيجة....
لازم أولاً يكون في رعاية مدروسة للموسيقى عندنا
ويكون في إيمان بلا نهائية الموسيقى ونوعيتها....
بس قلت تكون مدروسة
بعدين في شغلة ما حكيتها.... لازم تنوجد المعاهد العالية بأكثر من محافظة....
يعني أنا بصراحة بحس.... إنو لولا العيب... حتى بالشام ما كانو عملوا معهد عالي
...... يمكن في أفكار كتير بس لسه ما انحصرت
أرجو الاهتمام ..... وإذا يف شي مو مفهوم قولولي ... لإنو أنا كثير مشربك

من طرف violaflower الإثنين نوفمبر 24, 2008 8:58 pm

مفهوم بس شي بحزن معقول ما يكون في طريقة للتغيير؟ الشغلة بتتعلق بثقافة مجتمع و اذا بشكل عام هيك موقفنا من الموسيقى مصيبة
راجعة بس عم اتأخر عالرد بسبب العجقة اللي عليي

وين العرب بالموسيقى........؟؟؟؟

وين العرب بالموسيقى........؟؟؟؟

رد: وين العرب بالموسيقى........؟؟؟؟

رد: وين العرب بالموسيقى........؟؟؟؟

رد: وين العرب بالموسيقى........؟؟؟؟